Accueil / Actualités
Partager

Nou tout dwe viv tou

Moun ki nan Gouvènman an, nou pa gen konsyans? Oubyen nou pa vle pran konsyans ?

Gamestart Corporation

 

Ayiti nan yon enpas si'n pa di yon mo, ki pral chavire nan men nou, de jou an jou pèp la vin plis nan mizè, yon mizè san fen. Men kesyon pou'n poze tèt nou kilè lap pran fen. Kote nou rive nan Yon moman chak koukouy klere pou je yo, si entèl ka manje yon pen sal fè pou lòt lan, nou kite ògèy ap pote'n ale, fanatik, san nou pa reflechi pou'n di jan peyi an ye la li pa bon.

Nou pa vle met tèt ansanm nou gèlè bliye sak make nan drapo'n lan se linyon fè la fòs. Si se pat linyon plis fòs sa desandan'n yo te genyen an ki te vin fè'n jwenn endepandans nou, ki ka fè jounen Jodi an, anvan'n pale, ki ka fè'n ap frape lestomak nou, pou nou di ke nou se premye pèp nwa ki libere, poukisa nou pa reveye linyon sa ak fòs ke nou kite k'ap dòmi nan nou an, olye nap viv nan ipokrizi.

Nou chak gen yon pyon pou'n poze pou avansman Ayiti cheri sa, ki gen yon bote ke'n pa vle met strikti ak mwayen pou nou menm ki jèn ka eksplore, bèl nati sa. Moun ki nan Gouvènman an, nou pa gen konsyans? Oubyen nou pa vle pran konsyans ?

Pi gwo pwòb lan yap fè sanblan ke tout bagay ok pandan yo konnen anyen pa bon. Lòt la paske'l ka woule yon Rav4 dezyèm men, pandan li fè prèske tout vil ap travay anvan'l posede'l, ou tande lap di li nan klas mwayèn, pandan si'l malad menm premye swen li paka pran. Moun ap travay yo paka touche, poutan lajan nou ap gaspiye, nan achte zam bay bandi, yap envesti nan bandi, poutan yo pap bay yon goud pou edikasyon ak sante.

Relijyon nou menm nou pa janm di anyen, pou mw nou patisipe nan plonje pèp la plis nan eta'l ye la. Nou toujou ap preche yo la reziyasyon, pandan nou menm ankò nap fè yo pot ti sa yo genyen an, pou afè'n ka byen mache, reziyasyon an pa pou nou tou?

Menm si’m pa gentan viv li, men mwen ta renmen nou pran konsyans epi pou’n met tèt ansanm pou avansman peyi dayiti. Nou tout dwe viv san esepsyon, san prejije koulè, men se nan tèt ansanm ak lanmou sa pral rive fèt, Nou tout dwe viv.

A propos de l'auteur

Plus d'information

: 845 Vues

Partager
S'abonner à Gamestart

Maintenant, vous pouvez vous abonner à GAMESTART et recevoir les publications par whatsapp, à partir de votre numéro de téléphone..

×

Easy Plus

" Nous disposons tout notre savoir-faire, pour vous attribuer des services agréables et de bonnes qualités, répondant à vos besoins et à vos attentes. "